Mahogny

Då har eg fått bestilt material til å kle inn overbygget. Gleder meg til det kommer i posten og eg får tid til å ta fatt på det.

Var så heldig å finne ein hyggelig leverandør ved Mjøsa som kunne hjelpe meg med å få tak i mahogny. Han finn de på denne nettstaden. Takk for hyggelig handel!

Montering av gjennomføringar

Når me skal ha sjølvlensande dørk må me legga denne minimum 10 cm over vannflata. Samtidig må ein tenke på at ikkje dørken vert for høg sånn at båten vert sjåande rar ut. Høgda på rekkene aukar i takt med høgda på dørken. Mathilde sin dørk vart 10 cm over vannlinja. Det var ein kronglete jobb og montere dreneringane frå denne, men det er kjekt no når det er gjort. Det er og montert to stk sjøvannsinntak i skutebotn. Desse ligg rett på utsida av motorfundamenta og langt bak. Eg har ikkje bestemt meg enda om eg skal ho jording på innsida av desse eller ha sinkanodar på utsida. Skal til Voss i helga og der skal det bestillast herda ruter til akterlugaren.

innvendig så langt...

No har eg fått laga eit kar som skal ligge under motoren. Det er for å forhindra at diesel evt. oljelekkasje legg seg i skutebotnen og lagar dårlig lukt. I botnen av karet har eg laga ei fordjupning der det skal vera ei pumpe som kan pumpe ut det som samlar seg opp.

Eg har og plastra dørkane innvendig og toppcoata dei kvite. Akter dekk er sjølvlensande og plastra. Det er laga to fordjupingar til drenering. Ellers har eg leita rundt i båtutstyr på lageret etter skroggjennomføringar. Då fann eg og sjøvatnfilter og to sjøvannsinntak med kranar. Neste prosjekt no er å bore ein del hol og montera gjennomføringar.

teikning av båten sett ovanfrå

Slik har eg plan om at den skal sjå ut no for tida. Kan komme justeringar :)

Beising..

Eg har sett mange mahognybåtar som er nesten vorte gule etter å vera ute i sola. For å forhindre dette har eg beisa skroget med mahognybeis slik at det er ganske mørkt på farge. Samtidig vart det der eg har forlenga båten fargeforskjell på mahognyen. Derfor måtte eg ta noen ekstra strøk på dei nye borda som var lysare. Dette for at eg skal unngå fargeforskjell på dei nye og gamle delane.

Innvendig behandla eg båten med svenk tretjære som er tynna ut med terpentin. Ettersom båten har stått inne i sju månader i oppvarma garasje, er det store gliper mellom bordgangane. Etter oljinga starta båten sakte men sikkert og gå i saman og den ordentlige trebåtlukta var på plass. Første boksane med tretjære kjøpte eg på ein lokal malerbutikk og betalte ganske dyrt for dei. Etter eit besøk på Biltema oppdaga eg at dei selde både terpentin og svensk tretjæra til ein langt hyggeligare pris :)